gazteiraultza.info
Udarekin batera auzo eta herrietako jai desberdinak hasten dira, urtero legez. Gasteizen, pasa den asteburuan Aranako jaiak izan genituen, eta asteburu honetan Txagorritxuren txanda da. Ostiralean hasiko dira: 17:00etan umeen txokoa egongo da, eta ordu bete geroago Txagorri maskota jaitsiko da. Gauean Comando Gazalbide, Garraxika, Liskarra eta Egarriz taldeak joko dute.
Larunbatean 10:00etan hasten da egitaraua, futbol eta saskibaloi txapelketarekin. 12:30etan trikipoteoa hasiko da eta ondoren bazkari herrikoia egingo da. Bazkalostean, Bertso-Hop egongo da, eta ordu berean Mus txapelketa Laberinto tabernan hasiko da. 19:00 Soul Flavas breakdance erakustaldia egingo da eta gauean Eutsiz, Psikotropik, Alikates eta Musikberbenaren txanda izango da antzeztokian.
