Gasteizko herri-sektore ezberdinek marko berri bat sortu dute Elizan burututako gertakarien harira
Helburu komun batzuen borrokatze aldera herri-sektore ezberdinak bildu ditu Gasteizko Gazte Mugimenduak.
Atzo, 2013ko martxoak 13an, Gasteizko
Gazte Mugimenduak Martxoak 3ko eliza hartu zuten. Lehenengo helburua
elkartasuna eta borroka sustatzeko gune bat sortzea izanik, hein handi
batean behar hori asetzea lortu dute.
Jende anitzaren partaidetzaz atzotik
aritutako kideen batasunaz marko propio bat osatzea erabaki dute, eredu
asanblearioa hizpide. Marko honek Gasteizko herri sektore ezberdinak
barnebiltzea du xede, bihar hobeto zehaztuko diren helburu batzuen alde
borrokatzeko.
Esan bezala, bihar marko berri horren
helburu eta minimoak finkatuko dira. Arratsaldean zehar proposamen bat
garatuko dute, 20:00etako asanblada orokorrean aurkeztu, eztabaidatu eta
finkatu ahal izateko.
Funtzionatzen hasteko Gazte Mugimenduak lan-taldeak finkatu ditu:
Sortu berria den markoaren minimoak ezarri aurretik funtzionatu ahal izateko, Gazte Mugimenduak lan-talde batzuk finkatu ditu funtzionatzen hasi ahal izateko.Astindu: kalean presentzia izateko helburua dauka honek (pankartak, kaleko ekimenak, e.a.)
Komunikatu: sarean eta prentsan presentzia izateko helburua dauka honek (bideoak, kartelak, prentsa-oharrak, …).
Harremandu: eragile ezberdinekin kontaktua mantentzeko helburuarekin.
Azpiegitura: elizan irauteko behar logistikoak zihurtatzeko helburua dauka honek.
Antolatu: gainontzeko lan-taldeak koordinatzeko helburua.
Egitaraua: elizan egonaldia irauten duen bitartean bertako ordutegiak kudeatzeko.
